ناسا کی ورلڈویو سائٹ ڈیٹا اور ماحولیاتی رپورٹر کی ٹول باکس کی وسعت

اگر آپ کبھی والپس آئی لینڈ، ورجینیا جائیں (شاید گھوڑوں کے بچحھڑوں کی سالانہ تہراکی دیکھنے کے لیے چینکٹیگ جاتے ہوئے) تو آپ کو آسمان کی طرف رخ کیے ڈش انٹیناز سے بھرا ایک بڑا میدان نظر آئے گا۔

یہ وہ اہم ذرائع ہیں جس کے ذریعے زمین پر نظر رکھنے والے سیٹلائٹس سے حاصل کردہ ڈیٹا وفاقی اداروں کے آرکائیوز اور سرورز تک — اور آخرکار زمین کے سائنسدانوں کے کمپیوٹرز تک پہنچتا ہے۔

ناسا زیادہ تر سیٹلائٹس اڑاتا ہے لیکن نیشنل اوشینک اینڈ ایٹموسفیرک ایڈمنسٹریشن (این او اے اے) جیسے دیگر ادارے سیٹلائٹس کی انجینئرنگ کرتے ہیں اور ڈیٹا کا مطالعہ کرتے ہیں۔ کچھ خام ڈیٹا عوامی ہے اورعوام (اور صحافیوں) کے لیے دستیاب ہے۔

ڈیٹا کی مقدار ناقابلِ یقین حد تک زیادہ ہے۔ خوش قسمتی سے اس کو سنبھالنے کے لیے ایک نظام (یا نظاموں کا نظام) موجود ہے۔ اسے زمین پر نظر رکھنے والے ڈیٹا اور معلومات کے نظام یعنی ای او ایس ڈی آئی ایس کے مخفف سے جانا جاتا ہے۔

دوسری جانب ناسا کی ویب سائٹ، جسے ورلڈ ویو کہا جاتا ہے، کچھ بہت اہم ڈیٹا کو گرافک شکل میں تبدیل کرتی ہے۔ آپ یہاں ورلڈ ویو کے مرکزی صفحہ، جو یہاں ایک سرچ انجن بھی ہے، تک رسائی حاصل کر سکتے ہیں۔

ورلڈ ویو ڈیٹا بیس ایک بہترین ٹول ہے جس کے بارے میں ماحولیات کے صحافیوں (اور ان کی پروڈکشن ٹیموں) کو علم ہونا چاہیے۔ یہ صرف ڈیٹا نہیں ہے، یہ مفت گرافکس ہیں۔

ڈیٹا کہاں سے آتا ہے

ہم جانتے ہیں کہ ناسا، این او اے اے اور دیگر وفاقی ادارے اپنی سیٹلائٹ آلات کو منظم کرنے اور ان کی درستگی کو جانچنے کے لیے بہت محنت کرتے ہیں — لہٰذا ہمیں ڈیٹا کی درستگی اور معیار پر کوئی شک نہیں ہوتا۔

ہر سیٹلائٹ یا آلہ کا ایک خاص مقصد ہوتا ہے یا ورلڈ ویو ہوتا ہے۔ جو چیز مختلف ہوتی ہے وہ ہے مدار، فضائی کوریج، آلات کس چیز کو دیکھنے کی کوشش کر رہے ہیں، سپیکٹرم کے کن حصوں کو ہر آلہ ریکارڈ کرتا ہے اور تصاویر کتنی بار ریکارڈ کی جاتی ہیں۔ مثال کے طور پر کئی آلات بادلوں پر نظر رکھتے ہیں۔ دیگر شاید پانی یا نباتات کو دیکھ رہے ہوں۔

ڈیٹا کو ذہانت سے کیسے استعمال کریں

ورلڈ ویو سائٹ جتنی طاقتور ہے، اسے استعمال کرنا اتنا آسان نہیں ہے۔ اس کے کچھ اہم حصے کام ہی نہیں کرتے۔ اور انٹرفیس عجیب ہے۔ گرچہ یہ تمام انتخابات کا ایک نتیجہ ہے جس کی وجہ مختلف انتخاب ہیں جو آپ کے پاس سیارے کو دیکھنے کے طریقے میں موجود ہیں۔

”یوزر ایکسپیرینس“ کے ماہرین شاید اسے زیادہ نمبر نہیں دیں گے۔ دوسری طرف آپ کے پاس دیکھنے کے لیے مختلف انتخاب کی بڑی تعداد موجود ہے۔

کچھ مثالیں: آپ بہت سے مختلف اوقات کی درخواست کر سکتے ہیں، آپ مناظر کو ایک وقت کی مدت سے دوسری مدت کے مقابلے میں دیکھ سکتے ہیں اور آپ مخصوص جگہیں منتخب کر سکتے ہیں، قریباً اپنی مرضی سے زوم ان اور آؤٹ بھی کر سکتے ہیں۔

یہ تو محض آغاز ہے۔ آپ بادلوں کو دیکھنا چاہتے ہیں؟ آپ بادلوں کی چوٹی، بادلوں کی کوریج، ایروسول البیڈو، ایروسول آپٹیکل گہرائی، بادلوں کی تہیں اور بادلوں کی عکاسی وغیرہ دیکھ سکتے ہیں۔

ماحولیاتی کہانیوں کے لیے تصاویر، ڈیٹا

یہ شاید واضح ہو لیکن یہ ڈیٹا اور یہ تصاویر انہی موضوعات کے بیچ میں ہیں جنہیں ماحولیات کے صحافی اکثر کور کرتے ہیں۔

آپ جنگلات کی آگ، سیلاب، گرد کے طوفان، دھوئیں کے بادل، خشک سالی، نباتاتی ڈھانچہ، انسانی تعمیر شدہ علاقے اور بستیوں کے بارے میں، حتیٰ کہ ڈیموں کے بارے میں جان سکتے ہیں۔ اور بھی بہت کچھ۔

یہ ڈیٹا بہت موسمیاتی مرکزیت بھی رکھتا ہے۔ یہ آپ کو البیڈو، سمندری برف کی پرت، سطحی درجہ حرارت وغیرہ کے بارے میں بہت سی تفصیلات بتاتا ہے۔

اسے دیکھنے کا غیر واضح طریقہ یہ ہے کہ چھوٹے سے سرخ بٹن پر کلک کریں جس پر "ایڈ لئیرز” لکھا ہے۔ پھر جب آپ تمام آپشنز دیکھیں تو تقریباً نہ نظر آنے والے ذیلی مینیو پر کلک کریں تاکہ مزید دیکھ سکیں۔

اور جب آپ اپنے گرافکس ڈیپارٹمنٹ سے ورلڈ ویو کے بارے میں بات کریں تو انہیں یہ بات بتائیں کہ آپ کوسٹ لائنز، سڑکوں، پانی کے ذخائر اور مزید کو دکھانے والے دیگر نقشے کی خصوصیات شامل کر سکتے ہیں۔

نہ صرف یہ، آپ ورلڈ ویوکو نقشے پر اپنی مرضی کے لیبل لگانے کے لیے استعمال کر سکتے ہیں۔

ایڈیٹر کا نوٹ: یہ کہانی اصل میں ایس ای جے ڈاٹ او ار جی پر شائع ہوئی تھی اور یہاں اجازت کے ساتھ دوبارہ شائع کی گئی ہے۔

جوزف اے ڈیوس واشنگٹن ڈی سی میں ایک آزاد صحافی/ایڈیٹر ہیں جو 1976 سے ماحولیات پر لکھ رہے ہیں۔ وہ ایس ای جرنل آن لائن کی ٹپ شیٹ، رپورٹرز ٹول باکس اور ایشو بیک گرائونڈر لکھتے ہیں اور ایس ای جے کے ہفتہ وار خبروں کی سرخیوں کی اخبار کی سروس ای جے ٹوڈے اور @EJTodayNews کو بھی منظم کرتے ہیں۔ ڈیوس ایس ای جے کے معلومات کی آزادی کے پراجیکٹ کو بھی ڈائریکٹ کر رہے ہیں اور واچ ڈاگ کالم لکھتے ہیں۔