{"id":223577,"date":"2020-03-20T18:35:38","date_gmt":"2020-03-20T22:35:38","guid":{"rendered":"https:\/\/gijn.org\/?p=223577"},"modified":"2025-03-13T04:55:12","modified_gmt":"2025-03-13T08:55:12","slug":"mwongozo-kwa-wanahabari-wanaoripoti-kuhusu-covid-19","status":"publish","type":"post","link":"https:\/\/gijn.org\/sw\/ripoti\/mwongozo-kwa-wanahabari-wanaoripoti-kuhusu-covid-19\/","title":{"rendered":"Mwongozo Kwa Wanahabari Wanaoripoti Kuhusu COVID-19"},"content":{"rendered":"

Kirusi kipya cha korona kimekuwa taarifa kuu zaidi duniani. Kufikia sasa kimesambaa katika mataifa zaidi ya 100, kuwaua watu 4,262 na kuwaambukiza zaidi ya 118,101. Hii ni kwa mujibu wa takwimu za punde zaidi za ramani ya Johns Hopkins University & Medicine kuhusu COVID-19<\/a>. Dharura hii ya afya ya umma ya kimataifa ni moja kati ya dharura sita zilizotangazwa miaka ya hivi karibuni na Shirika la Afya duniani (WHO).<\/a> Dharura ya kwanza kutangazwa ilikuwa homa ya nguruwe. Tayari, ugonjwa huu umesababisha hasara ya mabilioni ya dola katika uchumi wa dunia. Kulingana na Bloomberg, hasara hii huenda ikafikia dola trilioni 2.7<\/a>.<\/p>\n

Licha ya kuwepo kwa takwimu hizi na makadirio, ni vigumu kubaini umbali ambao COVID-19 huenda kikasambaa na matokeo yake yatakuwa gani. Hali hii inawapa wanahabari duniani kote changamoto ya kuripoti kuhusu mlipuko wa ugonjwa huu. Baadhi ya changamoto hizi ni uwezekano wao wa kuambukizwa, kukabiliana na habari zisizo sahihi kuhusu ugonjwa wa korona, na hitaji la kuripoti bila kuzua hofu miongoni mwa walimwengu.<\/p>\n

Ili kuwaongoza wanahabari katika utendakazi wao, Miraj Chowdhury wa GIJN alikusanya mashauri kutoka kwa mashirika mbali mbali ya habari, wanahabari wazoefu na wataalamu. Tunaendelea kutoa miongozo ya kuripoti, ikiwemo miongozo katika lugha za kikanda za GIJN na katika mitandao yetu ya kijamii<\/a>. Kwa sasa, unaweza kupata mwongozo wa Bangla COVID-19 hapa<\/a>,<\/u> na makala ya GIJN-Uchina kuhusu taswira ya COVID-19 kwenye vyombo vya habari vya Uchina<\/a>. Kadhalika tuna vidokezo vya upekuzi wa habari kutoka kwa Thomas Abraham<\/a>, mtaalamu wa magonjwa ya maambukizi na mwandishi wa vitabu kuhusu SARS na polio.<\/p>\n

Uwajibikaji katika Kuripoti<\/h4>\n