{"id":293725,"date":"2021-01-06T04:31:15","date_gmt":"2021-01-06T09:31:15","guid":{"rendered":"https:\/\/gijn.org\/?page_id=293725"},"modified":"2023-06-25T07:32:30","modified_gmt":"2023-06-25T11:32:30","slug":"gijn-africa-imiryango-idaharanira-inyungu-iratanga-inkunga-yo-kuzahura-itangazamakuru-ricukumbura","status":"publish","type":"post","link":"https:\/\/gijn.org\/rw\/ubushobozi\/gijn-africa-imiryango-idaharanira-inyungu-iratanga-inkunga-yo-kuzahura-itangazamakuru-ricukumbura\/","title":{"rendered":"GIJN Africa: Imiryango idaharanira inyungu iratanga inkunga yo kuzahura itangazamakuru ricukumbura"},"content":{"rendered":"

\"\"<\/a>Itangazamakuru ricukumbura birazwi ko rihenda igihe cyose, kandi itangazamakuru muri rusange naryo rirakiyubaka, mu gihe ubukungu bw\u2019isi nabwo bukomeza guhura n\u2019ibibazo. Bimwe mu bitangazamakuru bicuruza ntibigishora amafaranga mu nkuru zicukumbuye nk\u2019uko byagendaga mbere.<\/p>\n

Ni ku bw\u2019iyo mpamvu rero, hari imwe mu miryango myinshi idaharanira inyungu yateye intambwe ngo irebe yaziba icyo cyuho. Harimo ikorera mu bihugu imbere, hari iri mpuzamahanga ariko iganisha ibikorwa byayo muri Africa, kugira ngo itere inkunga itangazamakuru ricukumbura kuri uyu mugabane. Dore imwe muri iyo miryango n\u2019ibigega nterankunga.<\/p>\n

Ikigo nyafurika giharanira agahebuzo k\u2019itangazamakuru<\/a><\/strong>\u00a0(African Centre for Media Excellence – ACME)<\/strong><\/h2>\n

Iki kigo gikorera i Kampala muri Uganda, gifite imishinga yo gutera inkunga itangazamakuru ricukumbura, kikanahugura abanyamakuru bashaka kuba indashyikirwa muri uyu mwuga. Intego nyamukuru wa ACME ni ukubaka itangazamakuru rikora neza, rikageza amakuru ku baturage, rikaba umuyoboro wo gukurikirana ibyo ubutegetsi bukorera abaturage no kwimakaza umuco w\u2019ibiganiro byimbitse kandi byubaka. Muri gahunda yo gutera inkunga, ACME ikunze gufatanya n\u2019indi miryango mpuzamahanga idaharanira inyungu. Muri yo twavugamo Ford Foundation, Revenue Watch Institute, Population Reference Bureau na MacArthur Foundation.<\/p>\n

Umuryango nyafurika w\u2019itangazamakuru<\/a> (African Media Initiative – AMI)<\/h2>\n

Uyu washinzwe mu 2008, ugamije kongerera imbaraga itangazamakuru nyafurika, ngo ribashe kugira uruhare mu miyoborere iciye muri demokarasi n\u2019iterambere ry\u2019ubukungu. Ibi ubikora wifashishije ibikorwa byubaka ukwishyira ukizana, imikoranire n\u2019abandi, umuco wo kudaheza n\u2019ubukungu burambye kandi butajegajega. Bimwe mu bikorwa byawo byibanda ku gukorana na ba nyir\u2019ibitangazamakuru byo muri Africa n\u2019abayobozi babyo. Ibi biba bigamije kubongerera ubushobozi bwo guhangana n\u2019ibibazo biri mu itangazamakuru. Ibindi ni uguha abanyamakuru amahirwe yo kwihugura, gutera inkunga inkuru, ubuvugizi ku ihindurwa rya pilitiki igenga itangazamakuru, ubushakashatsi n\u2019ubufatanye mu gukora inkuru zuzuye.\u00a0AMI kandi ijya itegura inama ngarukamwaka y\u2019itangazamakuru nyafurika, (African Media Leaders\u2019 Forum<\/a>), inama ihuriramo abayobozi b\u2019ibitangazamakuru, abanyamakuru n\u2019abandi bafatanyabikorwa, bakaganira ku ngingo zihangayikishije iterambere ry\u2019itangazamakuru.<\/p>\n

Ishuri rya Deci Vele<\/a> (DW Akademie)<\/h2>\n

Iki ni ikigo mpuzamahanga cya Radio y\u2019Abadage Deutsche Welle, kiyifasha guteza imbere itangazamakuru. Muri Africa, gikorera mu bihugu 18, aho gitera inkunga itangazamakuru, amaradiyo y\u2019abaturage, ndetse n\u2019abafite imbuga zishyirwaho amakuru (blogs).\u00a0Ahanini ibikorwa bya DW Akademie, biba bigamije kongerera ubushobozi ibitangazamakuru ngo bikore neza cyane. Hari kandi gushyigikira itangazamakuru ryigenga, n\u2019iterambere rirambye ry\u2019amahugurwa ahoraho ku bakora umwuga w\u2019itangazamakuru. Itera inkunga zijyanye no kuzamura ubwisanzure bw\u2019itangazamakuru, uburenganzira bwo kubona amakuru, hibandwa ku ikoranabuhanga.<\/p>\n

Fojo Media Institute<\/a><\/h2>\n

Nubwo Fojo Media Institute ikorera muri Suwede, ntibiyibuza kuba iri mu bihugu byinshi, birimo n\u2019u Rwanda. Ikorana n\u2019abafatanyabikorwa b\u2019imbere mu gihugu no mu karere, ngo bongerere imbaraga itangazamakuru ryisanzuye, ryigenga kandi rikora kinyamwuga.\u00a0Fojo itera inkunga ibigo by\u2019itangamakuru n\u2019indi miryango ikora muri urwo rwego, n\u2019abanyamakuru ku giti cyabo; hagamijwe ko bakwigenga mu bukungu na politiki (kwibeshaho batagenerwa n\u2019ubutegetsi). Ibafasha gukora igenamigambi ritajegajega ndetse ikanatera inkunga ya bimwe mu bikoresho.\u00a0Muri Africa, ubu Fojo ikorera mu bihugu bitanu, ari byo: Kenya, Ethiopia, Somalia, Zimbabwe, n\u2019u Rwanda. Ariko hari ibindi bihugu binyuranye yagiye igiramo imishinga itera inkunga.<\/p>\n

Ford Foundation<\/a><\/h2>\n

Ni umuryango nyamerika udaharanira inyungu, ufite icyicaro mu turere dutatu twa Africa. Mu Burasirazuba kiri Nairobi muri Kenya, Mu Burengerazuba kiri Lagos muri Nigeria, Naho mu Majyepfo wagisanga Johannesburg muri Africa y\u2019Epfo.\u00a0Ford itera inkunga itangazamakuru ricukumbura, mu rwego rwo kubaza inshingano abayobozi n\u2019ibigo, \u00a0ndetse no gukora inkuru ziha ijambo rubanda nyamuke, abasigajwe inyuma n\u2019amateka ndetse n\u2019abahabwa akato n\u2019umuryango mugari.\u00a0Yibanda kandi ku mishinga ifite ubudasa, iba igamije kugera ku bantu benshi bashoboka.\u00a0Ford yakira imishinga yose hatagombye itangazo riyisaba, kandi amarembo ahora afunguye. Inkunga batanga iri hagati ya miliyoni 50 na miliyari imwe mu mafaranga y\u2019u Rwanda, ($50,000 to $1.25 million).<\/p>\n

Hivos <\/a><\/h2>\n

Iyi nayo ni iy\u2019abadage, ariko ikorera ku isi hose. Hivos itera inkunga ibitangazamakuru bikora ibijyanye n\u2019umurongo wayo, harimo uburenganzira bw\u2019abagore, n\u2019ingufu zisazura, (renewable energy). Gusa Hivos yishimira cyane itangazamakuru rihanga udushya, n\u2019abanyamakuru bagaragaza ibisubizo by\u2019ibibazo biriho n\u2019ibyabaye ingorabahizi. Ifite ibiro by\u2019uturere habiri muri Africa: Kenya mu Burasirazuba, na Zimbabwe mu Majyepfo. Cyakora ifite n\u2019ibiro mu bihugu bine, ari byo\u00a0 Africa y\u2019Epfo, Zambia, Uganda na Malawi.<\/p>\n

Umuryango mpuzamahanga w\u2019abagore bakora itangazamakuru<\/a> (International Women\u2019s Media Foundation)<\/h2>\n

Uyu ni umuryango mpuzamahanga udaharanira inyungu, ukorera I Washington muri Leta zunze ubumwe z\u2019Amerika. Inkunga zawo zose zireba abagore gusa, bakora mu itangazamakuru. Muri izo nkunga harimo n\u2019amahugurwa, gukora inkuru, ubutabazi bwihutirwa, ingendo shuri ndetse n\u2019amafaranga.\u00a0IWMF ifite ibigega bibiri bitera inkunga abagore, harimo\u00a0 kimwe kirebana n\u2019abagore bo mu itangazamakuru basanzwe<\/a> n\u2019ikindi kibaha ubutabazi bwihuse mu bihe bidasanzwe<\/a>. Icya mbere kibanda ku gutera inkunga uburezi bw\u2019abagore biga itangazamakuru, inkuru zicukumbuye n\u2019ibindi bikorwa biteza imbere itangazamakuru. Naho ikindi\u00a0 cyo kigoboka abanyamakurukazi bari mu kaga biturutse ku mwuga wabo. Ibi bigega byombi byakira ubusabe bw\u2019inkunga igihe cyose bibaye ngombwa.<\/p>\n

Umuryango nterankunga y\u2019abanya Irelande<\/a> (Irish Aid)<\/h2>\n

Ni gahunda yashyizweho na Leta ya Irelande, igamije gutera inkunga iterambere mu rwego mpuzamahanga. Iyi gahunda ubu ikorera mu bihugu icyenga(9) ku isi, ariko byose ni ibyo muri Africa usibye Vietnam.\u00a0Inkunga ihabwa imiryango y\u2019abanyamakuru, hagamijwe kubaka itangazamakuru ribasha kwimakaza imiyoborere myiza, uburenganzira bwa muntu, n\u2019ubuyobozi bugaragaza ibyo bukorera abaturage, (accountability).\u00a0Muri Africa, ikorera mu bihugu bifatanyabikorwa nka Ethiopia, Malawi, Kenya, Mozambique, Sierra Leone, Uganda, Tanzania na Zambia. Ariko hari ibindi bihugu wasangamo ibikorwa biterwa inkunga n\u2019iyo gahunda, ari byo Liberia, Africa y\u2019Epfo na Zimbabwe.<\/p>\n

Luminate<\/a><\/h2>\n

Aka ni agashami gashinzwe ubutabazi ka Omidyar Network, ikigo cy\u2019ishoramari gikorera mu bihugu binyuranye ku isi, ariko ufite icyicaro gikuru I Londres mu Bwongereza.\u00a0Laminate yagiyeho mu 2018, itanga inkunga ku miryango idaharanira inyungu, imiryango y\u2019ishoramari iharanira inyungu, ndetse n\u2019indi miryango ivugira abaturage. Intego y\u2019iyo nkunga ni ugufasha abaturage kugira uruhare mu miyoborere, guhabwa neza serivisi bakeneye no kubaza abategetsi uko basohoza inshingano zabo.\u00a0Ku birebana n\u2019itangazamakuru rero, Liminate ishaka gufasha imiryango idaharanira inyungu iteza imbere itangazamakuru, imikoranire yagati y\u2019abanyamakuru, abashakashatsi n\u2019abakora ubuvugizi.\u00a0Ubu ishaka abahanga udushya mu kurwanya ibihuha, ndetse n\u2019uburyo bushya bwo kuzamura ubwisanzure bw\u2019itangazamakuru. Nubwo iba ikorera mu Bwongereza, ifite ishami I Nairobi muri Kenya, nubwo ishaka kugaba andi mashami abiri mu bihugu byo munsi y\u2019Ubutayu bwa Sahara: muri Nigeria na Africa y\u2019Epfo. Ibi ariko ntinayibuza gutera inkunga imishinga ikoze neza aho yaba ituruka hose, kandi ingano y\u2019inkunga yayo iterwa n\u2019uko umushinga ukoze n\u2019icyo ugamije.<\/p>\n

Ikigega kigamije iterambere ry\u2019itangazamakuru <\/a>(Media Development Investment Fund – MDIF)<\/strong><\/h2>\n

MDIF \u00a0ni kigega cy\u2019ishoramari ritagamije inyungu, cyashyiriweho ibinyamakuru byigenga, mu bihugu bigaragaramo ubwisanzure bwa ntabwo, aho itangazamakuru ryigenga ribaho mu itotezwa. Iki kigega gitanga inguzanyo ziciriritse ku bigo bitangaza inkuru, n\u2019amakuru; bigaha umwanya abaturage wo kujya impaka , hagamijwe kubaka imiryango yisanzuye kandi yihagazeho.\u00a0Icyo kigamije ni ukuzamura ubushobozi mu by\u2019amikoro, ku bigo byigenga by\u2019itangazamakuru; kugira ngo nabyo bizabashe gushora imari mu bintu bigezweho bihangana n\u2019ibindi bigo ku isoko.<\/p>\n

Umuryango w\u2019itangazamakuru rya Africa y\u2019Uburengerazuba<\/a> (Media Foundation for West Africa – MFWA)<\/h2>\n

MFWA ni umuryango utari uwa Leta ukorera mu bihugu 16 by\u2019Africa y\u2019Uburengerazuba.\u00a0Ifite gahunda yo kwimakaza ubwisanzure bw\u2019itangazamakuru, ndetse n\u2019iy\u2019itangazamakuru mu miyoborere. Iyi ya nyuma itanga uburyo buhoraho bw\u2019amahugurwa\u00a0\u00a0 ku banyamakuru, kandi igatera inkunga itangazamakuru ricukumbura.\u00a0Mu 2018, yatangije ihuriro ry\u2019abanyamakuru bakora inkuru zicukumbuye muri Africa y\u2019Uburengerazuba. Ikindi ni uko buri mwaka itegura inama y\u2019itangazamakuru muri ako karere<\/a>\u00a0(West Africa Media Excellence Conference and Awards), inatangirwamo ibihembo ku banyamakuru bahize abandi.<\/p>\n

Ikigo cy\u2019itangazamakuru mu Majyepfo y\u2019Africa<\/a> (Media Institute of Southern Africa \u2013 MISA)<\/h2>\n

Ni ihuriro ry\u2019imiryango iharanira iterambere mu mu bihugu 11 bigize Amajyepfo y\u2019Africa. Ryashinzwe mu 1992, rifite icyicaro I Windhoek muri Namibia.\u00a0Ibikorwa bya MISA bigamije ahanini guteza imbere itangazamakuru ryisanzuye kandi ryigenga; rikorwa na benshi rikanagera kuri benshi mu karere.\u00a0Ibyo bikorwa ibinyuza mu buvugizi, kubaka ubushobozi bw\u2019abakora umwuga w\u2019itangazamakuru, gukurikirana uko ubwisanzure bw\u2019itangazamakuru bugerwaho, ubukangurambaga ku burenganzira bwo kubona amakuru; ndetse n\u2019ubwunganizi mu mategeko.\u00a0Cyakora ibikorwa biba binyuranye hakurikijwe umwihariko wa buri gihugu, kuko umwuka wa politiki uri mu gihugu ni wo utanga umurongo w\u2019ishyirwamubikorwa rya gahunda z\u2019itangazamakuru. Nko mu bihugu bya Botswana, Malawi, Zambia na Zimbabwe, amashami ya MISA ni nayo afite ububasha bwo gutanga ibihembo ku banyamakuru b\u2019indashyikirwa mu ngeri zinyuranye z\u2019uwo mwuga. Ku rubuga rw\u2019iri huriro uhasanga amakuru ajyanye n\u2019amategeko, amasesengura aba yarakozwe, yemwe na za raporo z\u2019ibikorwa.<\/p>\n

Money Trail Grants<\/a><\/h2>\n

Money Trail ni nk\u2019ishami rya Journalismfund.eu (ikigega cy\u2019Uburayi giteza imbere itangazamakuru) kuko ari ho ikura inkunga.\u00a0Bamwe mu batanyabikorwa ba Journalismfund.eu bakorana n\u2019amatsinda akorera ku migabane ya Africa, Aziya n\u2019Uburayi. Aya matsinda afasha abanyamakuru gukora inkuru zicukumbuye nyambukiranyamipaka. Aha twavugamo nko kunyereza imisoro, gutesha agaciro ifaranga mu buvunjayi, ruswa ku mipaka no ku migabane bariho.\u00a0Journalismfund.eu inemera ko habaho amatsinda nyambukiranya turere muri Africa n\u2019Aziya; amatsinda yaba agizwe n\u2019abanyamakuru bakomoka mu bihugu nibura bibiri.\u00a0Muri uyu mwaka wa 2020, hari inkunga eshatu zari zitegereje ubusabe. Imwe yarangiye tariki 16 Werurwe, indi tariki 15 Kamena, naho indi yarangiye ku ya 14 Nzeri.<\/p>\n

Open Society Foundations<\/a><\/h2>\n

Iyi ni imiryango yishyize hamwe ikomoka ku bantu ku giti cyabo inakomeye ku isi.\u00a0 Ibiro byayo bishinzwe Africa bikorera I Londres mu Bwongereza<\/a>, bigakorana bya hafi n\u2019ibiro by\u2019uturere twose tune muri Africa, ndetse n\u2019ibiro biri byawo mu bihugu. Ibiro by\u2019uturere bitera inkunga imiryango y\u2019itangazamakuru n\u2019amahuriro, amashyirahamwe n\u2019abanyamakuru bafite imishinga igendanye n\u2019imirongo umuryango wihaye. Nta buryo buhuriweho bwo gusaba inkunga buhari, ariko ibiro byo mu turere bihora bitangaza inkunga zihari ngo abazikeneye bazisabe. Harimo gahunda ya Open Society Initiative muri Afurika y’Iburasirazuba<\/a>, Open Society Initiative \u00a0muri Afurika y’Iburengerazuba<\/a>, Open Society Initiative Umuryango muri Afurika y’Epfo <\/a>na Open Society Foundation wa Afurika y’Epfo.<\/a><\/p>\n

Pulitzer Center<\/a><\/h2>\n

Iki kigo cy\u2019abanyamerika binyuze Persephone Miel fellowships<\/a> gifasha abanyamakuru bo mu bindi bihugu bifuza gukora inkuru zo mu bihugu byabo zigatangazwa mu binyamakuru byo muri America byandika mu Cyongereza. Imishinga iterwa inkunga ni iy\u2019abanyamakuru bagaragaza ibikorwa byo mu bihugu byabo, byagira icyo byungura isi muri rusange. Ntabwo ari inkuru zimwe umunyamakuru agenda akararuza aho yatembereye.\u00a0Hari kandi ikigega gitera inkunga abanyamakuru bakora ku mvura igwa mu mashyamba<\/a> mu bihugu by\u2019America y\u2019Amajyepfo, Africa na Aziya.\u00a0Guhera mu mwaka ushize wa \u00a02019, iki kigega cyatangiye gahunda kwakira imishinga y\u2019inkuru, ku banyamakuru b\u2019abanyafurika bakorera ibitangazamakuru byo mu bihugu byabo ndetse n\u2019ibyo mu karere.<\/a><\/p>\n

Ikigo cy\u2019Abasuwisi cy\u2019iterambere n\u2019ubutwererane<\/a> (Swiss Agency for Development and Cooperation)<\/h2>\n

Ishami rishinzwe ubutwererane na Africa mu iterambere,\u00a0\u00a0 mu kigo cy\u2019Abasuwisi gishinzwe iterambere mpuzamahanga; rifite imishinga na gahunda zisaga 800 ritera inkunga muri Africa. Izo nkunga zikora mu nzego z\u2019Ubuzima, amahugurwa, guhanga imirimo, iterambere ry\u2019icyaro, amavugurura y\u2019inzego na Leta.\u00a0Iri shami rero riharanira kubaka ibihugu bigendera ku mategeko, uburenganzira bwa muntu ndetse n\u2019ubutabera; rigatera inkunga iterambere rirambye no kurandura ubukene. Mu rwego rw\u2019itangazamakuru, ritera inkunga inkuru zicukumbuye zikorwa mu gihugu cya Tanzaniya.<\/p>\n

Taco Kuiper Grants<\/a><\/h2>\n

Izi ni inkunga ziterwa ibinyamakuru byandika muri Africa y\u2019Epfo, zashyiriweho konerera imbaraga abanyamakuru bakora inkuru zicukumbuye. Zicungwa n\u2019agashami k\u2019itangazamakuru muri Kaminuza ya Witwatersrand, gakoresha ama ZAR 350,000 (hafi amadolari ibihumbi 23) ku mwaka, agenewe abanyamakuru bakora inkuru zicukumbuye muri Africa y\u2019Epfo.\u00a0Amafaranga yose asabwe aratangwa, apfa kuba asobanurwa neza mu mushinga w\u2019inkuru. Ariko ntibakira udushinga duto duto, baba bashaka imishinga migari igera mu ndiba z\u2019amakuru, ndetse n\u2019ibitabo. Batera inkunga inkuru zicengera mu bibazo byose byugarije Africa y\u2019Epfo.<\/p>\n

Wits Umushinga w\u2019itangazamakuru rihuza Africa n\u2019Ubushinwa<\/a>\u00a0(Wits Africa-China Reporting Project)<\/h2>\n

Uyu mushinga w\u2019itangazamakuru rihuza Africa n\u2019Ubushinwa ukorera muri Kaminuza ya Witwatersrand, i Johannesburg muri Africa y\u2019Epfo, mu ishami ry\u2019itangazamakuru.\u00a0Ugamije kongerera ubushobozi bwo gutangaza ibinoze ku nkuru Africa ihuriraho n\u2019Ubushinwa. Utanga inkunga zo gukora inkuru, ndetse ukanahugura abanyamakuru, mu gucukumbura imibanire y\u2019Africa n\u2019Ubushinwa hatangazwa ibitaravuzwe. Ku mwaka batanga inkunga iri hagati y\u2019amadolari 300 n\u2019ibihumbi bitatu.<\/p>\n

 <\/p>\n

 <\/p>\n

\u00a0<\/strong><\/p>\n

 <\/p>\n","protected":false},"excerpt":{"rendered":"

Itangazamakuru ricukumbura birazwi ko rihenda igihe cyose, kandi itangazamakuru muri rusange naryo rirakiyubaka, mu gihe ubukungu bw\u2019isi nabwo bukomeza guhura n\u2019ibibazo. Bimwe mu bitangazamakuru bicuruza ntibigishora amafaranga mu nkuru zicukumbuye nk\u2019uko byagendaga mbere. Ni ku bw\u2019iyo mpamvu rero, hari imwe mu miryango myinshi idaharanira inyungu yateye intambwe ngo irebe yaziba icyo cyuho. Harimo ikorera mu […]<\/p>\n","protected":false},"author":3031153,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"_price":"","_stock":"","_tribe_ticket_header":"","_tribe_default_ticket_provider":"","_tribe_ticket_capacity":"0","_ticket_start_date":"","_ticket_end_date":"","_tribe_ticket_show_description":"","_tribe_ticket_show_not_going":false,"_tribe_ticket_use_global_stock":"","_tribe_ticket_global_stock_level":"","_global_stock_mode":"","_global_stock_cap":"","_tribe_rsvp_for_event":"","_tribe_ticket_going_count":"","_tribe_ticket_not_going_count":"","_tribe_tickets_list":"[]","_tribe_ticket_has_attendee_info_fields":false,"republication-tracker-tool-hide-widget":false,"footnotes":"","_tec_slr_enabled":"","_tec_slr_layout":""},"categories":[23150,23146],"tags":[],"gijn_topic":[19157,19150],"series":[],"gijn_language":[17793],"gijn_region":[19149],"class_list":["post-293725","post","type-post","status-publish","format-standard","hentry","category-ibirasha-rw","category-ubushobozi","gijn_topic-guhuza-umutungo","gijn_topic-ibihembo","gijn_language-rw-rw","gijn_region-afurika"],"acf":[],"ticketed":false,"_links":{"self":[{"href":"https:\/\/gijn.org\/rw\/wp-json\/wp\/v2\/posts\/293725","targetHints":{"allow":["GET"]}}],"collection":[{"href":"https:\/\/gijn.org\/rw\/wp-json\/wp\/v2\/posts"}],"about":[{"href":"https:\/\/gijn.org\/rw\/wp-json\/wp\/v2\/types\/post"}],"author":[{"embeddable":true,"href":"https:\/\/gijn.org\/rw\/wp-json\/wp\/v2\/users\/3031153"}],"replies":[{"embeddable":true,"href":"https:\/\/gijn.org\/rw\/wp-json\/wp\/v2\/comments?post=293725"}],"version-history":[{"count":0,"href":"https:\/\/gijn.org\/rw\/wp-json\/wp\/v2\/posts\/293725\/revisions"}],"wp:attachment":[{"href":"https:\/\/gijn.org\/rw\/wp-json\/wp\/v2\/media?parent=293725"}],"wp:term":[{"taxonomy":"category","embeddable":true,"href":"https:\/\/gijn.org\/rw\/wp-json\/wp\/v2\/categories?post=293725"},{"taxonomy":"post_tag","embeddable":true,"href":"https:\/\/gijn.org\/rw\/wp-json\/wp\/v2\/tags?post=293725"},{"taxonomy":"gijn_topic","embeddable":true,"href":"https:\/\/gijn.org\/rw\/wp-json\/wp\/v2\/gijn_topic?post=293725"},{"taxonomy":"series","embeddable":true,"href":"https:\/\/gijn.org\/rw\/wp-json\/wp\/v2\/series?post=293725"},{"taxonomy":"gijn_language","embeddable":true,"href":"https:\/\/gijn.org\/rw\/wp-json\/wp\/v2\/gijn_language?post=293725"},{"taxonomy":"gijn_region","embeddable":true,"href":"https:\/\/gijn.org\/rw\/wp-json\/wp\/v2\/gijn_region?post=293725"}],"curies":[{"name":"wp","href":"https:\/\/api.w.org\/{rel}","templated":true}]}}